شعر “عطریلی گللر” از استاد یعقوب جعفری

عطریلی گللر

خالق اللّه نه گوزل گورمه‏ لى منظر یارادوب یره گودن سو سپوپ عطرلى گوللر یارادوب
بلبله عشق ویروب گلده تكانلار دوشویوب عاشقین قلبنه معشوقه‏ نى خنجریارادوب
بیر طرفده یاراشیقلى بالاجا قرمزى گل بیر طرفده اوجا بوى سرو و صنوبر یارادوب
بو صفا و بو طراوت كه گلستانه ویروب گوئیا جنت الاعلایه برابر یارادوب
گوللرین بعضى سینى چولقالیوب آغ كفنه لاله‏ نین قلبینه‏ ده قان دامیزوب سر یارادوب
گللره عطر ویروب رنگ ویروب شهد ویروب گللرین پرچمینى قند مكرر یارادوب
گوزون آچ باخ گنه باخ بیر بو یاراتمیشلارى‏ نا گور نجه نظمیله بو عالمى یكسر یارادوب
یارادوب هرزادى گویچك یارادوبدور حقا اما دلبر یاراداندا سنى محشر یارادوب
نه دیوم نیلیوب اللّه سنون عشقونده منه سن ویران اوخلاریلان قلبیمى پرپر یارادوب

پاییز 1385 قم